Sheekh Yuusuf Indhacadde oo mar kale eedeeyay Ra’iisul wasaare Sharma’arke.

Muqdisho: (Sh.M.Network) kadib dagaalo Saakay ka dhacay qeybo kamid ah demooyinka Hodan iyo Howlwadaag ee gobolka Banaadir ayaa waxaa dagaaladaasi ka hadlay Wasiiro dowlaha Wasaarada Gaashaandhoga dowladda KMG ee Soomaaliya.

Sheekh Yuusuf Maxamed Siyaad Indhacade Wasiiru dowlaha Wasaarada Gaashaandhiga ee dowladda KMG Soomaaliya oo shir jaraa’id ku qabtay Maanta qeybo ka mid ah degmada Hodon ayaa sheegay in sababaha keenay la wareegida qeybo kamid ah degmooyinka waqooyi ee Muqdisho uu sabab u ahaa Ra’iisul wasaaraha dowladda KMG ee Soomaaliya islamarkaana aan wax saanad ah la gaarsiin ciidamada dowlada ee halkaasi ka dagaalamayay.

Maalmo ka hor ayey aheeyd Markii Wasiiro dowlaha Wasaarada gaasaandhiga dowlada KMG ee Soomaaliya uu sidoo oo kale u eedeeyay Ra’iisul wasaare Sharma’arke isagoo ku eedeeyay in uu u diiday Ciidamada dowladda ee ka dagaalama agagaarka Fagaaraha Tarabuunka Saanadii militari ee ay ku dagaalami lahaayeen.

Sidoo kale waxaa uu sheegay waxaa uu ku eedeeyay Ra’iisul wasaaraha Xukuumada KMG ee Soomaaliya in uu gacansiiyo xoogaga hubaysan ee ka soo horjeeda dowladda KMG ee Soomaaliya.

Sheekh Yuusuf Max’ed Siyaad Indhacadde ayaa sidoo kale Shirkiisa jaraa’id waxaa uu kaga hadlay dagaaladii maanta ka dhacay Magaalada Muqdisho waxa uu sheegay in ciidamada dowladda KMG ay guulo ka gaareen dagaalkaasi sida uu sheegayna ay qabteen ciidamada dowladda Ciidamo ka tirsan Xarakada Mujaahidiinta Al Shabaab kadibna ay dileen sida uu hadalka u dhigay.

Dhinaca kale Saraakiil katirsan Xarakada Al Shabaab oo Shabelle la hadalay ayaa waxa ay sheegeen in dagaalkii Saakay ay iyagu qaadeen islamarkaana ay kula wareegeen fariisimo ay Ciidamada dowladda KMG ku lahaayeen wadada dheer ee  xiriirisa Isgoysyada sayidka iyo Dabka ee magaalada Muqdisho.

Dhinacooda Afhayeenka Ciidamada AMISOM Bariijiye Buhuuku oo Shabelle la hadlayay ayaa waxa uu sheegay in dagaalkii Saakay aysan wax lug ah ku laheyn Ciidamada  AMISOM isagoo tilmaamay in uusan waxba kala socon wax dagaal ah oo Saakay dhacay.waxana uu dhinaca kale iska fogeeyay in ciidamadooda ay duqeen u geysteen suuqa bakaaraha ee Magaalada Muqdisho

Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.