Geneva : (Sh. M. Network) Qaramada Midoobay ayaa ugu baaqday dowladda Wadanka Sacuudiga inay joojiso Tarxiilka ay ku heyso dadka Soomaaliyeed ee ku sugan wadankaasi kuwaasi oo gudaha Soomaaliya uga carara dagaalada jootada ka noqday 20-ka sano.

Melissa Fleming oo ah afhayeenka hay’adda Qaxootiga Caalmka u qaabilsan Qaramada Midoobay ee  UNHCR oo Magaalada Geneva kula hadlayay warbaahinta  ayaa baaq u direy dowladda Wadanka Sacuudiga kaasi oo ku aadan in ay joojiso tarxiilka ay ku heyso Soomaalida dhibanayaasha ah ee dalkeeda u raadsada Magangalyada.

Waxaa uu sheegay Afhayeenka in inta badan dadka laga soo taxiilo Sacuudiga ay yihiin haween Soomaali ah iyo dhalinyaro kale oo nafdooda ku  biimeeyay badda u dhaxeysa Yemen iyo gobolada Bari ee Soomaaliya sidaasi darteedna waxa uu ugu baaqay dowladda Sacuudiga inay ilaaliso xeerka Xaquuqda Qaxootiga islamarkaana ay joojiso Tarxiilka ay ku heyso dadka Soomaalida ah.

Sidoo kale hay’adda Qaxootiga u qaabilsan Qaramada Midoobay ee UNHCR waxa ay sheegtay in ay aad uga xumaatay tarxiilka bilihii ugu dambeeyay ay dowlada Sacuudiga kula kacday dad Soomaali ah oo kor u dhaafaya 2,000 oo qof kuwaasi oo dalkoodii hooyo markii hore uga cararay dagaalo ka jira awgeed.

Maalinta Jimcaha ah ayaa garoonka diyaaradaha ee Magaalada Muqdisho waxaa laga soo dajiyaa in ka badan 150 ruux oo Soomaali ah kuwaasi oo laga soo tarxiilo wadanka Sacuudiga, waxaana jira dhibaatooyin kale oo ciidamada Sacuudigu ay u geystaan dadka Soomaaliyeed.

Wadanka Sacuudiga ayaa ah wadanka ugu badan ee haweenka Soomaaliyeed iyo dhalinyarada kale ee shaqo la’aanta ay ku qabsatay Soomaaliya ay u Tahriibaan, waxaana inta badan ay maraan badda u dhaxeysa Soomaaliya iyo Yemen iyadoo dhowr jeer dad badan oo tahriibayaal ah oo doonayay dalka Sacuudiga ay doomo kula dageen meelo ku dhow dhow xeebaha dalka Yemen.

Dadka ka bad baada shilalkaasi doomaha ee Tahriibka ku kala gudaha wadanka Yemen ayaa socod dheer waxaa ay mar kale ku sii maraan xadka wadamada Sacuudiga iyo Yemen, waxana xiliyada qaar dhacda in dad Soomaaliyeed oo dhibaatadaasi u maray tagitaanka dalka Sacuudiga maalmo markii ay joogaan ay gacanta ku dhigaan ciidamada dalkaasi Sacuudiga kuwaasi oo mudo kadib ka soo dajiya Magaaladii dagaalka badneyd ee ay markii hore ka carareern ee Muqdisho.

Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.

NALA SOO XARIIR This e-mail address is being protected from spambots. You need JavaScript enabled to view it