Muqdisho : (Sh. M. Network) Waxaa sara ukaca xoogan laga dareemayaa qiimaha lagu kala iibsado kaluunka suuqyad magaalad Muqdisho xilli maalmihii u danbeeyay hoos u dhac laga dareemayay qiimaha la kala iibsado Kaluunka.

Axmed Maxamed Iikar oo ka mid ah Kaluumaysatada kawaanka Degmada Xamarweyne ee gobalka Banaadir oo Shabelle lahadlay ayaa waxaa uu shegay in saro u kaca qiimaha kaluunka ay ka danbeeysay kagadaal markii ay dabeel xooggan laga dareemay badda, taasina ay keentay sid uu tilmaamay in kiiladii Malaayga ee horay loo iiibin jiray qiimo dhan 50-kun oo shilinka Soomaaliga ah in iminka la iibiyo qiimo dhan 80-kun shilin, waxuuna intaasi ku daray in kaluunka laga keeno dhinaca Xeebta Ceel-macaan ee gobalka  Shabeellaha Dhexe maadaama uu tibaaxay in uu yaraaday kaluunkii laga keeni jiray xeebahah magaalada Muqdisho.

“waxaa gadi jirnay Kiilo 50-kun laakin hada waxaan iibinaa lacag gaaraysa 80-kun taasna waxaa keentay xoogaa badda oo dabeeylo ay ka kacsanyihiin, hadii aan kaluunka Ceel- macaan laga heli laheyn kiilo waxay ahaan lahayd 150-kun laakiin hada waxaan ku ceemannaa malaayga ceelmacaan” ayuu yiri.

Saro u kaca ku yimid qiimaha la kala iibsado kuluunka ee Suuqyada Magaalada Muqdisho ayaa waxaa uu saamayn ku yeeshay dadka ka ganacsada kaluunka noocyadiisa kal duwan iyo qaar ka mid ah shacabka ku dhaqan gobalka Banaadir ee inta badan iibsada kaluunka.

Aqriso oo la soco Shabelle.net Saacad Walba si aad u hesho wararkii ugu dambeeyay ee Soomaaliya.

NALA SOO XARIIR This e-mail address is being protected from spambots. You need JavaScript enabled to view it